Varsham : Kootu Thedi

Lyrics : Jayageetha
Music : Bijibal
Singer : Sachin Warrier


കൂട്ടുതേടിവന്നൊരാ കുഞ്ഞിളം കാറ്റേ
കൂടെയൊന്നു പാടുമോ...നീലനിലാവിൽ...
പാട്ടുമൂളിയെത്തി ഞാൻ ഈ വഴിയോരം
പാതിരാവിൻ ചില്ലകൾ പൂത്തൊരു നേരം
കൂടെയൊന്നു പാടുമോ....
മോഹമഞ്ഞുനീർകണം വിങ്ങിനിൽക്കുമീ
പൂമനസ്സിനുള്ളിലായ് തേടുമോർമ്മകൾ
കാത്തിരുന്ന പൊൻവെയിൽ നാളമേൽക്കവേ
ആയിരം വസന്തമായി ഗാനമായിതാ....
പുതുമണം നുരയുമീ മഴപൊഴിയും മണ്ണിൽ
കലരുമെന്റെ കനവുതിരയുമൊരുജതി പാടാൻ....
കൂടെയൊന്നു പാടുമോ....
കൂട്ടുതേടി വന്നൊരാ കുഞ്ഞിളം കാറ്റേ
കൂടെയൊന്നു പാടുമോ...നീലനിലാവിൽ...
രാക്കിനാവുണർന്നപോൽ രാത്രിമുല്ലകൾ
ചൂടിനിന്നു ജീവനാം പൂങ്കുരുന്നുകൾ
ഈ പരാഗമാകെയിന്നൊരീണമാകവെ
എൻ സ്വരങ്ങൾ ഇന്നതിന്റെ നാദമായിതാ....
മനമിതിൻ കുളിരുമായ് ഹൃദയശംഖുപുഷ്പം
വിടരുമെന്റെ വനികനിരയുമൊരു ശ്രുതി പാടാൻ...
കൂടെയൊന്നു പാടുമോ....
കൂട്ടുതേടി വന്നൊരാ കുഞ്ഞിളം കാറ്റേ
കൂടെയൊന്നു പാടുമോ...നീലനിലാവിൽ...
പാട്ടുമൂളി എത്തി ഞാൻ ഈ വഴിയോരം
പാതിരാവിൻ ചില്ലകൾ പൂത്തൊരു നേരം
കൂടെയൊന്നു പാടുമോ....
കൂടെയൊന്നു പാടുമോ.....

Varsham : Karimukilukal

Lyrics : Santhosh Varma
Music : Bijibal
Singer : Sharreth

കരിമുകിലുകൾ ചിറകു കുടയും സ്വരം
ജലകണികകൾ ഇലയിലുതിരും സ്വരം
ദൂരെ ദൂരെ ആരോ വിണ്ണിൻ ജാലകം തുറന്നു
ഒരു തലോടലായ് തുയിലുണർത്തുവാൻ ഇതിലെ വന്നു
വർഷം....
പ്രണയവും വിരഹവും നിറപടമെഴുതിയ
പ്രകൃതിതൻ ചുവരിലായ്
അടയാതെ കാക്കുമൊരുവാതിലേതു
ഋതുവിലുമിതിലേ നീ വരാൻ
അറിയൂ വർഷമേ...
നീ മാത്രമേകുന്നൊരുണർവ്വിനു കുമ്പിൾ
നീട്ടി ഹൃദയം...
കരിമുകിലുകൾ ചിറകു കുടയും സ്വരം
ജലകണികകൾ ഇലയിലുതിരും സ്വരം...
വസന്തമീ വഴികളിൽ പലകുറി വരികിലുമിതുവരെ
എവിടെയോ മലരാൻ മടിച്ചു മറയിൽകഴിഞ്ഞ
മലരുകൾ വിരിയും മർമ്മരം...
ചൊരിയൂ വർഷമേ...
ആശിച്ചു കാതോർക്കുമുയിരിനു നിറയെ നിറയെ ഹർഷം
കരിമുകിലുകൾ ചിറകു കുടയും സ്വരം
ജലകണികകൾ ഇലയിലുതിരും സ്വരം
ദൂരെ ദൂരെ ആരോ വിണ്ണിൻ ജാലകം തുറന്നു
ഒരു തലോടലായ് തുയിലുണർത്തുവാൻ ഇതിലെ വന്നു
വർഷം....